Институтот за применети истражувања за бизнис од Скопје, како еден од 14-те партнери во меѓународниот проект DigitalVScorrupt, е активно вклучен во бројни активности насочени кон зајакнување на транспарентноста, отчетноста и интегритетот во општеството. Посебен фокус на Институтот е темата „Корупција и бизнис“, преку која се истражува и унапредува улогата на приватниот сектор во борбата против корупцијата и промовирањето на етички стандарди.
Проектот го истакнува значењето на дигитализацијата и иновативните пристапи како неопходност во борбата против корупцијата во современото општество, со посебен акцент на младите и нивната улога во промовирање на европските вредности и владеењето на правото.
Во рамките на тековните активности, Институтот работи на изработка на тренинг-материјали кои ќе се користат во неформалното образование и ќе им помогнат на младите и младинските работници да развијат свест и лична одговорност во борбата против корупцијата. Истовремено се подготвува и прирачник за пријавување на корупција во бизнис-секторот, кој ќе биде практична алатка за организации, институции и поединци во справување со корупциски случаи.
Овие материјали ќе придонесат за одржливост и применливост на проектните резултати, а истите ќе бидат јавно достапни на веб-страницата на проектот https://digitalvscorrupt.akustikum.org
Проектот е ко-финансиран од Еразмус+ програмата на Европската унија
Тагови: