Визијата на Институтот за применети истражувања за бизнис е да биде водечка и меѓународно препознатлива истражувачка институција која обезбедува брзи, соодветни и реални решенија во насока на обезбедување одржливост на бизнисите.

Една од стратешките определби на Институтот е забрзување на процесот на интегрирање на одржливоста во бизнисите и континуирано придонесување во унапредувањето на потребите на бизнисите во денешното современо општество, балансирајќи ги иститите со заштитата и економијата на животната средина.

Императив за Институтот за применети истражувања за бизнис е континуирана надоградба на сознанијата, вештините и компетенциите во областа на економијата и бизнисот каде интердисциплинарно се испреплетуваат истражувачките интереси од областите на економските и организационите науки со тие на животната средина, инженерството и контролата на квалитет.

Исто така, Институтот работи и на едукативни програми за континуирано професионално усовршување кои се реализираат преку обуки, тренинзи, работилници и семинари и програми за специјализија (доквалификација или преквалификација).

Во текот на своите активности Институтот за применети истражувања за бизнис постојано воспоставува и ја проширува соработката со домашни и меѓународни научни институции, истражувачки центри и лаборатории, НВО и фондации за спроведување на заеднички проекти и подигање на научното ниво во истражувањата во областите на интерес.