Адријана Булевска Зариќ е доктор на економски науки, научен соработник/доцент на Институтот за применети истражувања за бизнис и еден од неговите основачи.

Нејзиниот научен и професионален интерес е насочен кон финансии, финансиски менаџмент и сметководство.Има повеќе од 10 години искуство во високото образование и над 17 години професионално искуство во областа на финансии.

Д-р Булевска Зариќ има значајна улога како проектен менаџер и истражувач во бројни национални и меѓународни проекти, спроведени во рамките на програмите Еразмус+, Светска банка и Цивика Мобилитас. Проектите се фокусирани на примена на иновативни методи на учење, унапредување на меки вештини кај студентите и зголемување на нивната финансиска писменост.

Во рамки на проект од програмата EIDHR, таа учествувала како тренер за квалификација и преквалификација на вработени, со цел зајакнување на нивните професионални капацитети и унапредување на работните позиции.

Д-р Булевска Зариќ е лиценциран вештак во областа на материјално, финансиско и сметководствено работење и има богато искуство како вештак во судски предмети од овие области.