Институтот за применети истражувања за бизнис учествува како партнер во Еразмус проектот "Дигитални алатки за помалку отпад": Координатор на проектот е фондацијата Biosynergia од Полска, додека останатите партнери се организации од Шпанија, Бугарија, Франција, Грција и Малта.
Главната цел на проектот „Дигитални алатки за помалку отпад“ е да се зајакнат компетенциите на лица кои работат со млади луѓе во областа на екологија и одржливост во насока на користење на дигитални алатки при различните активности во текот на управувањето со проектите и зголемување на емпатијата кон животната средина. Преку проектот ќе се постигнат следните резултати:
- Подобрени способности (индивидуални и професионални) на учесниците во проектот за рационално користење на ресурсите и создавање на помалку отпад
- подобрување на способноста на учесниците во проектот за креирање интересни едукативни активности со користење на дигитални алатки
- Стекнување знаења како да се вклучат лицата со помалку можности во образованието за животната средина со помош на дигитални алатки
Ознаки:
Што е Институтот за применети истражувања за бизнис?
Институтот за применети истражувања за бизнис (ИАРБ) е научно-истражувачка и консултантска установа од Скопје, основана во 2021 година. Преку применети истражувања од областа на економските, организационите, правните и инженерските науки, Институтот одговара на потребите на бизнисите и институциите.
ИАРБ организира обуки за професионално усовршување, нуди консултантски услуги и учествува во меѓународни Еразмус+ проекти.