Институтот за применети истражувања за бизнис ве поканува за учество на меѓународната научна конференција на тема „Корупцијата и бизнисот“ која ќе се одржи на 5 Мај 2025 година, хотел Глориус, Велес.

Целта на конференцијата е споделување на знаења и искуства за различните аспекти поврзани со борбата против корупцијата, особено во деловниот сектор (корпоративно управување, транспарентни финансиски практики, етичко лидерство, регулаторни рамки, влијанието на технологијата врз спречувањето на корупцијата и други поврзани аспекти).

ТЕМАТСКИ ФОКУС НА КОНФЕРЕНЦИЈАТА

• Корупција во бизнисот
Клучни ризици и последици од корупцијата во бизнисот, локални и глобални аспекти.
Етички деловни практики: Кодекси на однесување и политики
• Правни рамки и усогласеност
Меѓународни и национални закони за антикорупција
Усогласеност и корпоративно управување во спречувањето на корупцијата
• Деловен интегритет и корпоративна општествена одговорност
Улогата на деловниот интегритет во одржливиот раст
Корпоративна општествена одговорност и антикорупциски иницијативи
Градење култура на транспарентност и отчетност
Деловна етика

НАСОКИ ЗА УЧЕСНИЦИТЕ

• Краен рок за испраќање Апстракт на трудот е 30 Април 2025 година.
• Краен рок за испраќање на целосните трудови е 31 Мај 2025 година.
• Прифатените апстракти и трудови ќе бидат објавени во Зборник на апстракти и Зборник на трудови.
• Апстрактите и целосните трудови да се пратат на следниот е-маил: info@iarb.edu.mk

УПАТСТВА ЗА ПИШУВАЊЕ НА ТРУДОВИТЕ

• Доставените трудови треба да се оригинални и да не се претходно објавени или истовремено доставени за објавување во друго списание.
• Трудовите треба да се напишани на англиски јазик.
• Апстрактот да е најмногу до 250 зборови и да завршува со 3-5 клучни зборови; целиот труд да е најмногу 8 страници.
• Трудовите треба да се доставени во Microsoft Word.
• Формат А4, фонт Times New Roman, големина на фонт 12, единечен продед, порамнување - justify.
• Насловот на трудот треба да биде напишан со големи букви и bold.
• Под насловот да бидат наведени името и презимето на авторот/коавторите, соодветната институција и е-маил адреса.
• Да се применува Харвардски стил на цитирање
• Дополнителни информации на e-mail info@iarb.edu.mk или на телефон 070 669 085