Овој модул има за цел на едноставен начин да ги објасни бројните обврски што постојат за канцелариско и архивско работење, начинот на водење на архивскиот и документиран материјал, водење на деловодни и други помошни книги за евиденција.

Во овој модул ќе бидат опфатени знаењата од областа на правото кои треба да ги поседува административниот менаџер како што се постапка за вработување, договор за вработување, права од работен однос кои ги имаат вработените, начин на регулирање на годишен одмор и сл.. Исто така ќе се стекнат со основни знаења за подготовка и прифаќање на понуди и склучување на договори. Во рамките на овој модул учесниците ќе се стекнат со практични знаења за потполнување на различни форми на обрасци и формулари, наменети за Завод за статистика, Центален регистар, УЈП и др. државни институции и комисии. Како дел од модулот ќе бидат вклучени и основните знаења за системот на заштита на лични податоци и документацијата која во тој контекст е неопходно да се води во организацијата.

Во рамките на овој модул, административните менаџери ќе се стекнат со основни познавања на сметководство, електронско и банкарско работење, евиденција и следење на наплата, како и следење и менаџирање на материјалното и канцелариско работење во компанијата. Со слушањето на овој модул, учесниците ќе се стекнат со практични вештини за подготовка и читање на основна сметководствена документација, потребна за позицијата административен менаџер.

Овој модул има за цел да понуди практични вештини и знаења за работа со најчесто користените компјутерски алатки, Word, Power point и Excel. Во рамките на модулот посебен осврт ќе биде ставен на пресметки во Excel и графичко/табеларно преставување на податоци.

Овој модул има за цел да ги подобри комуникациските вештини на учесниците со посебен осврт на правилата и принципите на деловната вербална и невербална комуникација. Во рамките на овој модул админситративнтие менаџери ќе се стекнат со вештини во однос на стиловите на комуникација и техниките при комуницирање, етиката во деловната комуникација, како и со дигитални комуникациски вештини, со посебен осврт на важноста на социјалните мрежи за имиџот на организацијата.