Институтот за применети истражувања за
бизнис е партнер во 30-месечниот проект
со наслов: DigitalVScorrupt, координиран
од EPEKA Црна Гора, кој се спроведува од
1 декември 2023 до 1 мај 2026.
Овој проект е осмислен за да помогне во
борбата со корупцијата, проблем што ги
слабее демократските институции, го
попречува економскиот раст и го доведува
во прашање владеењето на правото.
Западен Балкан е особено ранлив на
корупција, а оваа иницијатива има за цел
да го усогласи регионот со стандардите и
вредностите на ЕУ преку едукација,
дијалог за политики и дигитални
иновации.
Цели на проектот
Проектот е структуриран околу неколку клучни цели:
- - Поттикнување на меѓусекторска соработка за промовирање на неформално учење и дигитализација во борбата против корупцијата.
- - Зголемување на капацитетите на организациите за користење на технологијата како алатка за откривање и спречување на корупцијата.
- - Охрабрување на дијалогот со креаторите на политики за зајакнување на антикорупциските мерки и владеењето на правото.
- - Преку користење на дигитални алатки, едукација и прекугранична соработка, проектот активно придонесува кон зајакнување на транспарентноста и одговорноста во ЕУ и Западен Балкан.
Планирани активности и очекувани резултати
Проектот вклучува широк спектар на активности, со учество на 900 учесници од 13 земји, преку следните активности:
- - Тренинзи за 75 младински работници за најдобри практики во борбата против корупцијата.
- - Прекугранични соработки со 240 учесници.
- - Конференции со 150 професионалци на кои ќе се разменат мислења и ставови за антикорупциски стратегии и решенија.
Дополнително, проектот ќе развие материјали за тренинг, прирачници и дигитални ресурси за зајакнување на индивидуите и институциите во борбата против корупцијата.
Инклузивност и социјално влијание
Клучна карактеристика на проектот е неговата посветеност на инклузивноста и разновидноста. Партнерството вклучува организации што ги претставуваат маргинализираните заедници, како што се ЛГБТК+ мрежи и ромски застапнички групи, со што се обезбедува поширок општествен импакт. Интегрирајќи ги овие перспективи, проектот промовира еднаквост и се осигура дека антикорупциските напори ги препознаваат потребите на сите граѓани.
Долгорочна визија и одржливост
Покрај неговото непосредно влијание, DigitalVScorrupt има за цел да создаде одржливи мрежи и ресурси кои ќе продолжат да ја поддржуваат борбата против корупцијата и по завршувањето на проектот. Преку фокус на неформалното образование, дигиталните алатки и партиципативните пристапи, проектот настојува да ги оспособи младите, граѓанското општество и бизнис заедницата за активна улога во градењето на транспарентна и одговорна иднина.
DigitalVScorrupt е иновативна иницијатива што комбинира едукација, дигитални иновации и меѓународна соработка за справување со корупцијата на повеќе нивоа. Преку меѓусекторска соработка, ангажман во политиките и дигитализација, проектот придонесува за градење на посилни и подемократски општества во ЕУ и Западен Балкан. Со стратешки фокус на младите и технолошките решенија, проектот поставува пример за идните антикорупциски иницијативи во регионот и пошироко.
Партнери во проектот:
- EPEKA Scientific Research Association for Arts, Culture and Educational Programmes and Technology, Montenegro
- EPEKA Scientific Research Association for Arts, Culture and Educational Programmes and Technology, Serbia
- EPEKA Scientific Research Association for Arts, Culture and Educational Programmes and Technology, Social Enterprise, Slovenia
- UDRUZENJE AKUSTIKUM
- EPEKA BERLIN EV
- QENDRA OPEN DOORS, Albania
- FUNDACJA EUROPEJSKI INSTYTUT OUTSOURCINGU
- CENTER FOR EDUCATION AND TRAINING PRIZREN
- TRANSPARENCY INTERNATIONAL Iceland
- INSTITUTE FOR APPLIED RESEARCH FOR BUSSINESS
- PHIREN AMENCA INTERNATIONAL NETWORK
- LYKIA IZCILIK VE DOGA SPORLARI KULUBU DERNEGI
- ARCIGAY APS
- Skupnost Občin Slovenije
- Institut Jožef Stefan
Проектот е ко-финансиран од Еразмус+ програмата на ЕУ.