Институтот за применети истражувања за бизнис е координатор на Еразмус+ проектoт „Empathy in the Digital Age: Harnessing Technology for Understanding and Connection (DigiEmpathy)“, клучна акција 2, во областа на училишното образование.

Проектот започна на 1 ноември 2024 година и има за цел да придонесе за зајакнување на емпатијата кај деца на возраст од 8 до 16 години. Тековните проектни активности вклучуваат изработка и публикување на Водич со стратегии и најдобри практики за зајакнување на емпатијата и пилот тестирање на креираните стратегии. Водичот е напишан на шест јазици (англиски, македонски, грчки, турски, чешки и португалски јазик) и е првенствено наменет за јакнење на капацитетите на наставниците и едукаторите во однос на модалитети на примена на стратегиите и практиките со крајна цел поттикнување на емпатијата кај учениците. Пилот тестирањето на стратегиите за емпатија и подигнување на свесноста и практикувањето емпатија меѓу учениците се спроведува во повеќе училишта во секоја од партнерските земји.

Покрај избраните училишта, кои како придружни партнерски организации се директно вклучени во дел од проектните активности, во месец март, повеќе од 300 наставници од нашата земја, учесници на обуките за професионален развој на наставници организирани од Институтот, беа запознаени со целите, активностите и очекуваните резултати од проектот DigiEmpathy.

Овој проект претставува значаен чекор кон подобрување на социјалната и емоционалната интелигенција на младите, преку користење на современи технологии и едукативни стратегии.

Партнерски организации во проектот се:

• INSTITUTE OF HUMANITIES AND SOCIAL SCIENCES (Greece)
• SAMSUN İL MİLLİ EĞİTİM MÜDÜRLÜĞÜ (Türkiye)
• STŘEDNÍ ZDRAVOTNICKÁ ŠKOLA A VYŠŠÍ ODBORNÁ ŠKOLA ZDRAVOTNICKÁ, PLZEŇ, KARLOVARSKÁ 99 CZECHIA (Czech Republic)
• Kizilcahamam Anadolu Lisesi (Türkiye)
• APLICAPROPOST A LDA (Portugal)

Проектот DigiEmpathy е кофинансиран од Еразмус+ програмата на ЕУ.