На Институтот за применети истражувања за бизнис на 30 Септември, 2023 година се одржа обука за моќта на социјалните мрежи наменета за наставниците и стручните служби во училиштата.
Целта на обуката беше да се зајакнат вештините наставниците и стручните служби во училиштата за тоа како ефективно да се користи интернетот и новите дигитални платформи. Д-р Андоновска во текот на обуката зборуваше за моќта и можностите на социјалните мрежи, за начинот на комуницирање преку социјалните мрежи, како и за предностите и недостатоците на истите. На обуката присуствуваа наставници, педагози и психолози од повеќе училишта во државата, и истите во текот на обуката споделија и дел од своите искуства поврзани користењето на социјалните мрежи, особено од страна на учениците.
Обуката беше одржана онлајн, а присутните се стекнаа со соодветен Сертификат.